Нискассинчи пĕтĕмĕшле вăтам пĕлӳ паракан шкулта Чăваш чĕлхипе литература эрни пуçланчĕ!

Чăваш чĕлхи эрни  çак кунсенче иртет: 20.04. – 24.04.2026. Эрнере чăваш чĕлхипе литературине, традицисене, çырулăх историне халалланă нумай тĕрлĕ мероприятисем планланă:

Эрнере уçни – «Чĕлхе – пирĕн пуянлăх» тема уçăмланĕ, «Хĕвел çулĕпе» фильм пăхăнĕ.

Класс сехечĕ – И.Я. Яковлевăн чăваш çырулăхне пуçарса яракан ĕçне халалланă.

Вăйă-конкурс – «Чăваш чĕлхи ытти предметсенче» (6–10 классем).

Уçă уроксем – «Нихçан сӳнми янăра эс, чăваш чĕлхи!» (1–6 классем).

«Пĕтĕм чăваш диктанчĕ — 2024» акци.

Урок-викторина – «Чăваш чĕлхипе литературине чи лайăх пĕлекен».

«Эп чăвашла калаçатăп» акци (ака уйăхĕпе).

Эрне вĕçлени – çĕнтерӳçĕсене чыслани.

   Ку эрнере кашни класс, кашни вĕренекен хăйĕн тăван чĕлхипе мăнаçланма, чăваш сăмахĕн хăватне туйма, пĕлӳсене тĕрĕслеме май тупать. Чăваш чĕлхи- пирĕн пуянлăх, ăна упраса хăвармалли, аталантармалли пирĕн пурнăçри тивĕç.

   Чăваш чĕлхи эрнине хастаррăн хутшăнма чĕнетпĕр!