Паян пирĕн районта çулсерен йĕркелекен "Туслăх хĕлхемĕ" фестиваль - конкурс иртрĕ. Фестивале хутшăнакан пÿçламăш класс ачисене Москакассинчи пĕтĕмĕшле пĕлÿ паракан вăтам шкул хапăл туса йышăнчĕ.

   Пирĕн шкулти пĕчĕк чăваш ачисем  те çак конкурсра хутшăнма кăмăл турĕç. Илемлĕ чăваш тумĕ тăханнă ачасем чăваш юррисене шăрантарчĕç, тăван чĕлхери сăмах илемĕпе чуна тыткăнларĕç.  Ачасем  "Янра, чăваш юрри", "Сăмах илемĕ", "Чăваш апачĕ", "Чăваш ташши", "Чăваш вăйи" номинацисенче тавлашрĕç.  Конкурс пĕтĕмлетĕвĕсене чăтăмсăррăн кĕтетпĕр!

  Чăваш самахĕ çапла яланах уççăн янратăр! Çапла пултăр!