http://www.niskas-morgau.edu21.cap.ru/?t=gal&eduid=4448&gal=1e9c4cbe-c9a5-454a-b86a-647001b12179

    Чÿк уйăхĕн юлашки кунĕнче шкулта  "Пĕчĕк çăлтăр - Илемпи" конкурс иртрĕ. Ку конкурса чăваш чĕлхине  тата культурине аталантарас, шкул ачисен пултарулăхне ÿстерес тата пуянлатас тĕллевпе  ирттернĕ.  Ăмăртăва 1-4-мĕш классенче вĕренекенсем хутшăнчĕç. Малтанах вĕсем «Паллашар» пайра хăйсем çинчен каласа пачĕç. Ун хыççăн «Пирĕн пултарулăх»,  «Тавçăруллă пике», "Литература конкурсĕ"  пайсенче тупăшрĕç. Пĕчĕк Чиперуксем  чылай конкурс, тĕрĕслев витĕр тухса хăйсен пултарулăхне тĕрлĕ енлĕн кăтартрĕç. Чăваш  юррине юрласа, ташшине ташласа, тăван халăх йăли-йĕркипе çыхăннă ыйтусене тĕрĕс те туллин хуравласа тупăшрĕç.  Пĕри тепринчен хастартарах та тăрăшуллăрах пулчĕ..

       «Пĕчĕк ҫăлтăр-  Илемпи» титула пĕрремĕш класра вĕренекен Волкова Валерия  ҫĕнсе илме пултарчĕ.

 «Вице пĕчĕк ҫăлтăр Илемпи» номинацие иккĕмĕш класра вĕренекен Попугаева Анна ҫĕнсе илчĕ.

 «Чи тавҫăруллă пĕчĕкҫĕ пике» номинацие – пĕрремĕш класра вĕренекен  Волкова Виктория па виҫҫĕмĕш класра вĕренекен Суворова Фёкла .

«Чи пултаруллă пĕчĕкҫĕ пике» номинацие -  тăваттăмеш класра вĕренекен Флангова Нелли.

«Чăваш ăс-хакăлне упракан пĕчĕкҫĕ пике» номинацие –тăваттăмĕш класра вĕренекен Флангова Нонна.

«Чи тăрăшуллă пĕчĕкҫĕ пике» номинацие –виҫҫĕмĕш класра вĕренекен Карпова Кристина.

«Хӳхĕм пĕчĕкҫĕ пике» номинацие – виҫҫĕмĕш класра вĕренекен  Голубева Виктория.

Маттур, саламлатпăр!