И.Я. Яковлев ячĕллĕ Чăваш патшалăх педагогика университечĕн историпе филологи факультечĕ Анатолий Ермолаевич  Горшков доцент çуралнăранпа 85 çул çитнине халлаланă «Пуплев тирпейĕпе этикечĕ: хальхи  тăрăм» çавра сĕтел иртрĕ. Тĕп калаçăва Нискассинчи пĕтĕмĕшле пĕлÿ паракан шкулта чăваш чĕлхипе литературине вĕрентекен Осипова Надежда Ивановна та хутшăнчĕ. Вăл  «Улттăмăш класра япала ячĕсене вĕреннине пĕтĕмлетесси» темăна уçса панă.

Çавра сĕтел усăллă иртнĕ. Чăваш ачисем пуплев этикетне тытса пырассине шанас килет.